نائیجیریا۔ کسانوں اور چرواہوں میں جھگڑا۔ 45 افراد ہلاک

نائیجیریا میں کسانوں اور فولانی چرواہوں کے درمیان ہونے والے مسلح جھگڑے میں 45 افراد ہلاک اور متعدد زخمی ہوگئے۔

عالمی خبر رساں ادارے کے مطابق بائیجیریا میں فولانی قبیلے سے تعلق رکھنے والے چرواہوں نے اپنے قبیلے کے ایک فرد کے قتل کے الزام پر مقامی نسل طیف سے تعلق رکھنے والے کسانوں کے علاقے پر دھاوا بول دیا۔

دونوں جانب سے لاٹھیوں، راڈوں اور بندوق سے ایک دوسرے پر حملے کے نتیجے میں 45 افراد ہلاک ہوگئے۔ ہلاک ہونے والوں میں زیادہ تر کسان ہیں جب کہ درجنوں زخمی ہیں۔ کسانوں نے چرواہوں پر لوٹ مار کا الزام بھی عائد کیا۔