انڈر19 ایشیا کپ کے میچ میں پاکستان نے افغانستان کو دھول چٹا دی

دبئی:انڈر19 ایشیا کپ کے میچ میں پاکستان نے افغانستان کی بیٹنگ لائن کو 52 رنز پرڈھیرکردیا، پاکستانی ٹیم نے 53 رنز کا ہدف 33 اوورز قبل حاصل کرلیا ۔

انڈر 19 ایشیا کپ کے تیسرے میچ میں پاکستان کا مقابلہ افغانستان سے ہوا ، افغانستان نے پہلے بلے بازی کرتے ہوئے 23.1 اوورز میں 52 رنز بنائے ۔ پاکستانی نوجوانوں نے 16.4اوورز میں ہی 53 رنز کا ہدف 6 وکٹوں کے نقصان پر حاصل کرلیا۔

پاکستانی اوپنر عبد البنگل زئی نے 9 رنز بنائے ، ساتھی اوپنر معاذ صداقت 14 رنز بنا کر ناٹ آؤٹ رہے، ٹاپ آرڈر ، محمد شہزاد بغیرکوئی رن بنائے آؤٹ ہوئے ، وکٹ کیپر بلے باز حسیب اللہ خان نے 11،کپتان قاسم اکرم نے صفر، عرفان خان نے 4،رضوان محمود نے دو رنز بنائے ۔احمد خان بغیر کوئی رن بنائے ناٹ آؤٹ رہے ۔

اس سے قبل انڈر 19 ایشیا کپ کے تیسرے میچ میں پاکستان کا مقابلہ افغانستان سے ہوا ، افغانستان کے کپتان نے ٹاس جیت کر پہلے بلے بازی کا فیصلہ کیا جو انتہائی غلط ثابت ہوا ، افغانستان کے بلے باز ٹک کر کھیل نہ پائے اور صرف 10 میں سے صرف ایک کھلاڑی دہرے ہندسے میں داخل ہو سکا جبکہ تین کھلاڑی صفر اور تین کھلاڑی 1،1 رنز بنا کر آؤٹ ہوئے ۔

افغانستان کے اوپنر سلمان عربزئی صفرپر آؤٹ ہوئے ، کپتان سلمان صافی  چار سکور بنا کراحمد خان کی گیند پر ایل بی ڈبلیو ہوئے ۔ ٹاپ آرڈر بلال سعیدی بغیر کوئی رن بنائے ذیشان ضمیر کی گیند پر وکٹ کیپر حسیب اللہ خان کے ہاتھوں کیچ آؤٹ ہوئے ، بلے باز اعجازاحمد زئی ، بائولر احمد خان کی گیند پر عرفان خان کے ہاتھوں کیچ آؤٹ ہوئے ۔

بلے باز اعجاز احمد بغیر کوئی سکور بنائے احمد خان کی گیند پر ایل بی ڈبلیو ہوئے ، وکٹ کیپر بلے باز محمد اسحاق اویس علی کی گیند پر عرفان خان کو کیچ تھما بیٹھے ۔افغانستان کی جانب سے ننگیالیہ خروطے دوہرے بندسے میں سکور بنانے والے واحد بلے باز تھے ، انہوں نے اپنی ٹیم کی جانب سے سب سے زیادہ 15 رنز بنائے ،  وہ قاسم اکرم کی گیند پر کلین  بولڈ ہوئے ۔  اظہار الحق نوید نے ایک سکور بنایا  اور اویس علی کی گیند پر عرفان خان کو کیچ تھمایا ،نور احمد  بھی 8 رنز بنا کر پویلین لوٹ گئے ، ان کا کیچ علی اسفند کی گیند پر احمد خان نے تھاما۔

گیارہویں نمبر پر بلے بازی کیلیے آنے والے بلال سمیع ذیشان ضمیر کی گیند پر کلین بولڈ ہوئے ، انہوں نے ایک رن بنایا جبکہ دسویں نمبر پر کھیلنے والے فیصل خان دو رن بنا کر ناٹ آؤٹ رہے ۔پاکستان کی جانب سے احمد خان نے 6 اوورز میں 21 رنز کے عوض تین وکٹیں حاصل کیں، ذیشان ضمیر نے 5.1 اوورز میں 12 رنز کے عوض دو وکٹیں حاصل کیں۔

اویس علی نے بھی 7 اوور پھینکے اور 9 رنز دیکر دو کھلاڑیوں کو میدان بدر کیا ، قاسم اکرم اورعلی اسفند نے ایک ، ایک کھلاڑی کو آؤٹ کیا ۔