سیمی جمالی کی گاڑی میں اندھی گولی جا لگی

کراچی:شہرقائد میں نامعلوم سمت سے آنے والی گولی سابق ڈائریکٹر جناح اسپتال سیمی جمالی کی گاڑی میں جا لگی،گولی نے لوہے کا شیڈ بھی پھاڑ ڈالا، واقعے کے بعد پولیس کےاعلیٰ حکام میں کھلبلی مچ گئی۔

نجی ٹی وی کے مطابق واقعہ جناح ہسپتال ڈاکٹرزکالونی میں پیش آیا،جہاں ڈاکٹر سیمی جمالی رہائش پزیر ہیں، واقعے سے متعلق سابق ڈائریکٹر جناح ہسپتال ڈاکٹر سیمی جمالی نے پولیس حکام کو آگاہ کیا جس پر ایس ایچ اوصدرموقع پرپہنچےاورگاڑی کا جائزہ لیا۔

اس موقع پر ڈاکٹر سیمی جمالی کا کہنا تھا کہ کراچی میں آئےروزاندھی گولی سے شہریوں کو نقصان پہنچتا ہے، یہ انتہائی خطرےکی بات ہے اس کا سدباب ہوناچاہیے۔