وزیراعظم کی نواز شریف پرکڑی تنقید

اسلام آباد:وزیراعظم عمران خان نے صحافی کے سوال کا جواب دیتے ہوئے کہا کہ نوازشریف جب سعودی عرب گئے تھے تو تب بھی یہی کہا جاتارہا کہ اب آ رہے ہیں ، اب آ رہے ہیں، جب تک سمجھوتہ نہیں ہو گیا یہی سنتے رہے۔

وزیراعظم عمران خان پارلیمنٹ ہائوس پہنچے تو میڈیا نمائندوں نے انہیں گھیرلیا ، صحافی نے سوال کیا کہ وزیراعظم صاحب حکومت مشکل میں نظر آ رہی ہے ؟ جس پر عمران خان نے جواب دیتے ہوئے کہا کہ یہ سوال تم نے کتنی بار پوچھا ہے ، ہر تین مہینے کے بعد کہا جاتا ہے کہ حکومت مشکل میں ہے ۔

ایک اور صحافی نے سوال کیا کہ کہا جارہاہے کہ نوازشریف وطن واپس آ رہے ہیں، عمران خان نے جواب دیتے ہوئے کہا کہ نوازشریف سعودی عرب گئے تب بھی کہا جاتا رہا تھا کہ اب آ رہے ہیں کہ اب آ رہے ہیں ، جب تک سمجھوتہ نہیں ہو گیا یہی سنتے رہے ۔عمران خان کا مختصر گفتگو میں کہناتھا کہ شہبازشریف کی تقریر نہیں بلکہ جاب اپیلی کیشن ہوتی ہے۔