عمران خان کی سابق اہلیہ ریحام خان کی گاڑی پر فائرنگ

اسلام آباد:وزیر اعظم عمران خان کی سابق اہلیہ ریحام خان نے  کہا ہے کہ مسلح افراد نے ان کی گاڑی پرفائرنگ کی اور فرار ہوگئے ۔

تفصیلات کے مطابق ریحام خان نے ٹویٹرپرپیغام جاری کرتے ہوئے کہا کہ بھتیجے کی شادی کی واپسی پرمیری گاڑی پرفائر کیا گیا اورموٹرسائیکل پر سوار دوافراد نے میری گاڑی کی طرف پستول تان لی ، میں نے ابھی گاڑیاں بدلی تھیں ، میرا پرسنل سیکریٹری اورڈرائیورگاڑی میں تھے ، یہ عمران خان کا نیا پاکستان ہے ؟ یہ بزدلوں، ٹھگوں اورلالچی لوگوں کی ریاست ہے۔

On the way back from my nephew’s marriage my car just got fired at & two men on a motorbike held vehicle at gunpoint!! I had just changed vehicles.
My PS & driver were in the car. This is Imran Khan’s New Pakistan? Welcome to the state of cowards, thugs & the greedy!!

— Reham Khan (@RehamKhan1) January 2, 2022

وزیراعظم عمران خان کی سابق اہلیہ کا کہناتھا کہ ’’ میں محفوظ ہوں، دعائیں ہی وہ واحد ڈھال ہے جو ہمیں کمزور ایمان والوں کے شیطانی عزائم سے بچاتی ہے ۔جزاک اللہ ‘‘۔

ریحام خان کا کہناتھا کہ’’ ہم نے اسلام آباد کی شمس کالونی کے پولیس اسٹیشن میں مقدمہ درج کروانے کیلیے درخواست جمع کرا دی ہے تاہم ابھی تک ایف آئی آردرج نہیں کی گئی ۔