کل رات سے کراچی میں گرج چمک کے ساتھ بارش کا امکان

کراچی:کل منگل کی شام سے رات کے درمیان کراچی میں گرج چمک کے ساتھ بارش کا امکان ہے۔

محکمہ موسمیات کے مطابق مغربی ہواؤں کا ایک طاقتور سلسلہ شمالی بلوچستان میں داخل ہوگیا، جس کے باعث کوئٹہ اور دیگر علاقوں میں بارش کا سلسلہ جاری ہے تاہم کل منگل کی شام سے رات کے درمیان کراچی میں بھی گرج چمک کے ساتھ بارش کا امکان ہے۔

محکمہ موسمیات کا کہنا ہے کہ شہر میں بدھ کے روز بھی وقفے وقفے سے گرج چمک کے ساتھ کہیں درمیانی اورکہیں تیزبارش ہونے کا امکان ہے،اگلے تین روزکے دوران شہر کا کم سے کم پارہ 14 سے 16 ڈگری اورزیادہ سے زیادہ درجہ حرارت 24 سے 26 ڈگری کے درمیان رہ سکتا ہے۔