کورنگی سے لیاری گینگ وار کے تین دہشتگرد گرفتار

کراچی کے علاقے کورنگی میں پولیس نے لیاری گینگ وار کے تین دہشتگرد گرفتارکرلیے، ملزمان کے قبضے سے ہینڈ گرنیڈ سمیت بھاری مقدار میں اسلحہ برآمد کرلیا گیا ۔

کراچی کے علاقے کورنگی میں پولیس نے اسنیپ چیکنگ کے دوران لیاری گینگ وار کے 3 کارندے گرفتارکرلیے، پولیس کے مطابق ملزمان اہم تنصیبات کو نشانہ بنانے کیلیے نکلے تھے، اطلاع ملی کہ کچھ مشکوک افراد گاڑی میں دہشتگردی کےلیے نکلے ہیں، ناکہ بندی کے دوران گاڑی کی تلاشی لی گئی تو ملزمان کے قبضے سے ایک ہینڈ گرینڈ اوراسلحہ برآمد کرلیا گیا۔

گرفتار ملزمان میں ابراہیم علی، محمد عمران اوربلال علی عرف بلو شامل ہیں تاہم ملزمان کے خلاف مقدمہ درج کرکے مزید تفتیش شروع کردی گئی ہے۔