شہبازگل نے شریف خاندان کی لکھی رپورٹ قرار دیدیا

وزیر مملکت برائے اطلاعات و نشریات فرخ حبیب نے بھی رپورٹ پر ٹویٹ کرتے ہوئے کہا کہ اس پر واویلا کرنا بلاجواز ہے۔

انھوں نے لکھا: ’اپوزیشن کا ٹرانسپرنسی انٹرنیشنل کی رپورٹ پر واویلا، بلاجواز ہے۔ آٹھ میں سے سات رپورٹس میں کوئی فرق نہیں صرف ایک رپورٹ کے باعث CPI کی ٹوٹل رینکنگ میں تنزلی ہوئی ہے۔ اس رپورٹ میں حکومتی سطح پرکسی قسم کی مالی کرپشن کا ذکر نہیں۔‘

 وزارت خزانہ کے ترجمان مزمل اسلم نے تبصرہ کرتے ہوئے کہا کہ رپورٹ کو پورا پڑھنے کے بعد مٹھائی کے ٹوکرے واپس کرنے پڑیں گے کیونکہ آٹھ میں سے سات ذرائع نے سابقہ ریٹنگ تقریباً برقرار رکھی ہے۔