ادھر ہم ،ادھر تم کا فیصلہ کرلیا گیا ہے۔شاہ محمود قریشی

اسلام آباد:وزیر خارجہ شاہ محمود قریشی نے کہا کہ لگتا ہے بلاول اور شہباز شریف نے ادھر ہم ، ادھر تم کا فیصلہ کرلیا ہے ،اگر ایسا ہے تو ہم دونوں جماعتوں کا مقابلہ کریں گے ۔

نجی ٹی وی کے مطابق وزیر خارجہ شاہ محمود قریشی نے کہا کہ ہمیں کوئی گھبراہٹ نہیں ، اپوزیشن  ملکی مفاد کو مد نظر رکھے،اپوزیشن احتجاج کرنا چاہتی ہے تو ضرور کرے ہمیں کوئی اعتراض نہیں ،  لانگ مارچ اپوزیشن کی سیاسی ضرورت ہے ، اپوزیشن والے مفادات کے تحفظ کیلیے اکٹھے ہوئے ہیں جب مفادات پورے ہو جائیں گے تو یہ پھرعلیحدہ علیحدہ ہو جائیں گے ۔

شاہ محمود قریشی نے کہا کہ  22 اور 23 مارچ کو اسلامی ممالک کی تنظیم ( او آئی سی ) کے وزرائے خارجہ  کونسل کا اجلاس اسلام آباد میں ہوگا ، اجلاس میں افغانستان، فلسطین ‘ اسلام فوبیا سمیت مسلم امہ کو درپیش مسائل پر بات چیت ہوگی۔