تحریک عدم اعتماد ضرور کامیاب ہوگی،مولانا فضل الرحمن

پشاور:پاکستان ڈیمو کریٹک موومنٹ کے سربراہ مولانا فضل الرحمن نے کہا ہے کہ تحریک عدم اعتماد ضرور کامیاب ہوگی، ہم ناکام نہیں لوٹیں گے نمبر گیم برابر ہے۔

پشاور میں میڈیا سے بات چیت کرتے ہوئے انہوں نے کہا کہ حکمران تنہا ہو چکے ہیں اور ملک سے بھاگنے کی تیاریاں ہورہی ہیں، ہماری تحریک عدم اعتماد ضرور کامیاب ہوگی، ہم ناکام نہیں لوٹیں گے نمبر گیم برابر ہے۔

انہوں نے مزید کہا کہ پشاور میں دھماکے کا واقعہ بہت افسوس ناک ہے،ادارے امن و امان کی صورتحال کو کنٹرول کرنے میں ناکام ہوگئے ہیں، بہت آپریشنز ہوئے، لوگوں نے بڑی تعداد میں ہجرت کی لیکن دہشت گردی پھرشروع ہوگئی۔