سوات۔پانچ مقامات پرآگ پرقابو پا لیا

سوات میں چھ مقامات میں سے پانچ مقامات پر لگی آگ پر فائر فائٹرز نے قابو پا لیا ہے۔

سوات کے چھ مقامات پر پہاڑوں پر واقع جنگلات اور جھاڑیوں میں نامعلوم وجوہات کی بنا پرآگ بھڑک اٹھی تھی جس سے متعدد قیمتی درخت جل کر راکھ بن گئے تھے تاہم ڈی سی سوات جنید خان نے تمام متعلقہ اداروں کو بروقت ہدایات جاری کی تھیں کہ وہ نہ صرف آگ کو بجھانے کے لیے امدادی کاروائیاں کریں بلکہ آگ لگنے کے واقعات کی انکوائری کرکے ملوث افراد کو گرفتارکرکے تین ایم پی او کے تحت جیل بھجوا دیں۔

ادھر ڈی ایف او سوات وسیم خان کے مطابق مینگورہ پھٹانے، بریکوٹ، کبل سیگرام، شیر اترپ، کوٹا ابوہا نوے کلے، کوٹ چارباغ میں آگ پر قابوں پا لیا گیا ہے جبکہ سوات، کبل کے علاقے دوکٹ میں اگ بجھانے کے لیے ریسکیو آپریشن جاری ہے، متعلقہ جنگل میں بھی ستر فیصد آگ پر قابوں پا لیا گیا۔

وزیر اعظم شہباز شریف نے خیبر پختونخوا کی ضلعی انتظامیہ اور معاون اداروں کی درخواست فوری منظور کرتے ہوئے سوات کے علاقے پٹھانے میں آگ بجھانے کے لیے 2 ہیلی کاپٹر فراہم کرنے کا حکم دیا تھا۔