سہ فریقی ٹورنامنٹ کا شیڈو ل جاری

لاہور:نیوزی لینڈ کرکٹ بورڈ نے پاکستان اور بنگلہ دیش کے ساتھ سہ فریقی ٹورنامنٹ کا شیڈو ل جاری کردیا۔

تفصیلات کے مطابق شیڈول کے مطابق سہ فریقی سیریز کرائسٹ چرچ میں 7 سے 14 اکتوبر تک کھیلی جائے گی جبکہ پاکستانی ٹیم سیریز کا حصہ بننے کیلیے 4 اکتوبرکوکرائسٹ چرچ کیلیے روانہ ہو گی ۔

نیوزی لینڈ کرکٹ بورڈ کے مطابق ٹورنامنٹ کا افتتاحی میچ پاکستان اور بنگلا دیش کے درمیان ہوگا، 8 اکتوبرکو پاکستان ٹیم نیوزی لینڈ سے مقابلہ کرےگی۔اس کے بعد بابراعظم الیون کا 11 اکتوبرکو پھر نیوزی لینڈ سے مقابلہ ہوگا، 13 اکتوبر کو پاکستان اور بنگلا دیش کی ٹیمیں دوسرا لیگ میچ کھیلیں گی جب کہ سہ فریقی ٹی ٹوئنٹی سیریز کا فائنل 14 اکتوبر کو کھیلا جائے گا۔