شمالی وزیرستان میں فائرنگ۔2 پولیس اہل کار،2پولیو ورکرجاں بحق

دتہ خیل:شمالی وزیرستان کی تحصیل دتہ خیل میں پولیو ٹیم پر نامعلوم شرپسندوں نے فائرنگ کردی جس کے نتیجے میں 2 پولیس اہل کار، 2 پولیو ورکرز جاں بحق اور ایک راہگیر زخمی ہوگیا۔ا، جبکہ 1 بچہ زخمی ہوا ہے۔

ڈپٹی کمشنر شمالی وزیرستان شاہد علی خان کے مطابق تحصیل دتہ خیل کے علاقے تنگ کلی میں پولیو ٹیم بچوں کو پولیو ویکسین کے قطرے پلانے گئی تھی۔

انہوں نے بتایا کہ آج صبح پولیو ٹیم پر نامعلوم افراد نے فائرنگ کر دی، جس سے 2 پولیس اہل کار سپاہی دین شاہد، رضا اللّٰہ اور 2 پولیو ورکر موقع پر ہی جاں بحق ہوگئے۔

انہوں نے بتایا ہے کہ فائرنگ سے 1 بچہ زخمی ہوا ہے، لاشوں اور زخمی بچے کو تحصیل اسپتال دتہ خیل منتقل کر دیا گیا ہے۔

پولیس حکام کا کہنا ہے فائرنگ کا واقعہ شمالی وزیرستان کی تحصیل دتہ خیل کے علاقے ڈانڈ گاؤں میں پیش آیا ہے۔ فائرنگ کے فوری بعد پولیس اور دیگر قانون نافذ کرنے اداروں کے اہلکاروں نے علاقے کی ناکہ بندی کرکے ملزمان کی تلاش شروع کردی ہے۔