یوکرین پر بڑا روسی حملہ – کثیر المنزلہ عمارت تباہ -متعدد افراد ہلاک

کیف:روس نے یوکرین کی آبادی پر میزائل داغ دیئے جس کے نتیجے میں کثیر المنزلہ رہائشی عمارت تباہ ہونے سے متعدد افراد ہلاک ہوگئے

غیر ملکی خبررساں کے مطابق یوکرین کے جنوبی علاقے اوڈیسا میں روسی فورسز نے رہائشی عمارت پر میزائل فائر  کیے جس کے نتیجے میں 18 شہری ہلاک اور 30  زخمی ہوگئے۔

ایمرجنسی سروس اہلکاروں کا کہنا ہے کہ میزائل حملے میں تباہ ہونے والی عمارت کے ملبے سے 7 افراد کوزندہ نکال لیا گیا ہے جبکہ ہلاکتوں میں اضافے کا خدشہ ہے۔