آمدن سے زائد اثاثے :مولانا فضل الرحمٰن کے قریبی ساتھی موسیٰ خان بری

 پشاور: احتساب عدالت  نے مولانا فضل الرحمان کے قریبی ساتھی موسیٰ خان کو آمدنی سے زائد اثاثے رکھنے کے الزام میں بری کردیا گیا۔

عدالت نے اپنے مختصر فیصلے میں کہا ہے کہ نیب کی جانب سے سرکاری افسر موسی خان سمیت چار افراد کے خلاف احتساب عدالت میں ریفرنس دائر کیا گیا تھا تاہم نیب ریفرنس میں لگائے گئے الزامات ثابت نہیں کرسکا اس لیے انہیں باعزت بری کیا جاتا ہے۔

ذرائع  کے مطابق مولانا فضل الرحمان کے قریبی ساتھی اور سابق ڈی ایف او موسی خان کو نیب عدالت نے بری کیا ہے۔ نیب نے موسی خان کو 2020ء میں آمدن سے زائد اثاثہ جات کیس میں گرفتار کیا تھا۔