پی ٹی آئی جلسے میں آنے والے شخص سے پستول برآمد

اسلام آباد:تحریک انصاف کا آج اسلام آباد کے پریڈ گراؤنڈ میں جلسہ شیڈول ہے ۔ذرائع کا کہنا ہے کہ جلسہ گاہ کے واک تھرو گیٹ پر ایک شخص سے پستول برآمد ہوا ہے۔

ذرائع کے مطابق پسٹل سعید غنی نامی شخص سے برآمد ہوا جسے پولیس نے حراست میں لے لیا ہے۔

پولیس کے مطابق اسلحہ بردار شخص کے پی پبلک ہیلتھ ڈپارٹمنٹ کا ملازم ہے، اس کے قبضے سے 30 بور پستول اور دس راؤنڈز برآمد ہوئے ہیں۔

پولیس کاک کہنا ہے کہ اسلحہ بردار شخص کو گرفتار کر لیا گیا ہے اور تحقیقات جاری ہیں۔

جلسے کے حوالے سے سابق وفاقی وزیر داخلہ شیخ رشید نے الزام لگایا ہے کہ پنجاب میں پی ٹی آئی کے بینرز اُتار کر عمران خان کے خلاف بینرز لگوائے جارہے ہیں، حالات خراب ہوئے تو ذمے دار حکومت ہوگی۔

انہوں نے کہا کہ 17 جولائی کے الیکشن میں قوم موجودہ حکومت کی سیاست کو دفن کر دے گی۔