10لاکھ سے زائد عازمین حج منیٰ پہنچ گئے، لبیک کی صدائیں

مکہ مکرمہ : دنیا سے بھر سے سعودی عرب  پہنچنے والے لاکھوں فرزندان توحید مناسک حج کی ادائیگی میں مصروف ہیں۔ دس لاکھ سے زائد عازمین حج لبیک کی صدائوں میں منیٰ پہنچے۔ عازمین آج رات منیٰ میں خیموں میں قیام کریں گے۔ جبکہ پاکستان کے 80 ہزارسے زائد حجاج کرام بھی منیٰ موجود ہیں جہاں پاکستان حج مشن کا عملہ ان کی رہنمائی کررہا ہے

 عازمین کل میدان عرفات روانہ روانہ ہونگے اور حج کا رکن اعظم وقوف عرفات ادا کرنے کے لئے میدان عرفات پہنچیں گے جہاں مسجد نمرہ اور جبل رحمت کے گرد وسیع میدان میں قیام کریں ۔ اس کے بعد حج کرام حج کا خطبہ سنیں گے اور ظہر اورعصر کی اکٹھی باجماعت ادا کرنے کے بعد غروب آفتاب تک یہیں وقوف کریں اور بارگاہ الہیٰ میں حج کی قبولیت اور بخشش کی دعائیں مانگیں گے۔

بعد ازاں مزدلفہ روانہ ہونگے اور کھلے آسمان تلے رات گزاریں گے اور شیاطین کو مارنے کے کنکریاں اٹھائیں گے، نماز فجر کے بعد رمی کرتے ہوئے منیٰ میں جمرات کے مقام بڑے شیطان کو کنکریاں مارنے کے بعد قربانی کریں گے۔ اس کے بعد حجاج احرام کھول دیں گے ۔مشاعرہ مقدمہ میں 10 ہزار سے زائد سیکورٹی اہلکار تعینات ہیں جبکہ حجاج کو طبی سہولیات فراہم کرنے کے لئے فیڈل اسپتال بھی قائم کئے گئے ہیں۔