دوسرا ٹیسٹ، سری لنکا کی پوزیشن مستحکم

 گال : دوسرے ٹیسٹ کے پہلے روز سری لنکا نے 27 اوررز میں 2 وکٹوں پر 112 رنز بنالیے۔گال میں کھیلے جارہے دوسرے ٹیسٹ میں سری لنکا نے پاکستان کے خلاف ٹاس جیت کر بیٹنگ کا فیصلہ کیا، جو مفید ثابت ہوا، میزبان ٹیم کو 92 رنز کا اوپننگ سٹینڈ ملا۔

اوپنرز اوشادا فرنینڈو 50 رنز بناکر آؤٹ ہوئے، کوشال مینڈس 3 رنز بناکر رن آؤٹ ہوئے، دیموتھ کرونارتنے 38 جبکہ اینجیلو میتھیوز 11 رنز بناکر کریز پرموجود ہیں۔ پاکستان کی جانب سے محمد نواز نے ایک کھلاڑی کو آؤٹ کیا۔

قومی ٹیم میں دو تبدیلیاں کی گئی ہیں، ان فٹ شاہین شاہ کی جگہ نعمان علی پلیئنگ الیون میں شامل ہوئے، مڈل آرڈر بلے باز فواد عالم کو اظہر علی کی جگہ ٹیم کا حصہ بنایا گیا۔2 ٹیسٹ میچز کی سیریز میں پاکستان کو 0-1 کی برتری حاصل ہے۔