کراچی میں ڈمپر کی ٹکر سے باپ، بیٹی اور بیٹا جاں بحق

کراچی : شہر قائد میں  ڈمپرنے تین زندگیوں کے چراغ بجھا دیے۔ شہر قائد میں ڈمپر، ٹرالر اور ہیوی گاڑیوں کے حادثات میں قیمتی جانوں کے نقصان کے واقعات تھمنے کا نام نہیں لے رہے۔

واقعہ احسن آباد میں پیش آیا جہاں تیزرفتارڈمپرنے موٹرسائیکل سواروں کو کچل دیا۔ ڈمپر کی ٹکر سے باپ 10سال کا بیٹا اور 5 سال کی بچی جاں بحق جب کہ ایک بچہ زخمی ہو گیا۔

جاں بحق ہونے والوں میں باپ فضل ریحان، 5سال کی انابیہ اور 10سال کا سفیان شامل ہے۔ زخمی بچے زوہان کی عمر پندرہ سال ہے۔

میتوں اور زخمی کو رسیکیو اہلکاروں نے ایمبولینس کے ذریعے اسپتال منتقل کر دیا ہے جب کہ اطلاع ملنے پر مقامی پولیس نے جائے وقوعہ پر پہنچ کر ابتدائی تفتیش شروع کر دی ہے۔