لاڑکانہ: گھر کی چھت گرنے سے ایک ہی خاندان کے 3 افراد جاں بحق

لاڑکانہ:سندھ کے ضلع  لاڑکانہ  کی تحصیل ڈوکری کے نواحی گاؤں سیہڑ میں گھرکی چھت گرنے سے بچی اوردوخواتین سمیت تین افراد جان کی بازی ہارگئے جبکہ  تین زخمی  ہوئے ہیں۔

جاں بحق  ہونے  والوں میں 50 سالہ روبینہ  کاندھڑو ،  21 سالہ کونج خاتون اور 6 سالہ پوپری کاندھڑو جبکہ  زخمیوں میں ریاض حسین کاندھڑو،  ظہیر حسین اور ایان حسین شامل  ہیں ۔

افسوس ناک واقعے میں زخمی ہونے والے تمام افراد کو چانڈکا اسپتال کے ایمرجنسی وارڈ منتقل کردیا گیا ۔