ترکی: خوفناک ٹریفک حادثے میں 32 افراد جاں بحق، متعدد زخمی

انقرہ:ترکی کے شہرغازی انتیپ میں مسافربس سڑک کنارے کھڑی ایمبولینس اور فائربریگیڈ سے ٹکرا کرالٹ گئی۔حادثے کے نتیجے میں 32افراد جاں بحق اورمتعدد زخمی ہوگئے،زخمیوں کو فوری طور پرطبی امداد کے لیے قریبی اسپتالوں میں منتقل کردیا گیا ہے۔مرنے والوں میں 3 فائرفائٹرز،2 ایمرجنسی ورکرزاور2 صحافی بھی شامل ہیں۔

ادھر پاکستان نے المناک حادثے میں اموات پر ترکی سے اظہارافسوس کیا، ترجمان دفترخارجہ نے کہا ہے کہ ترکی میں المناک حادثے میں جانی نقصان پر افسوس کا اظہارکرتے ہیں۔

انہوں نے مزید کہا ہے کہ خوفناک ٹریفک حادثے کے بارے میں جان کر بہت دکھ ہوا، متعدد قیمتی جانیں ضائع ہوئیں اور بہت سے لوگ زخمی ہوئے، دکھ کی گھڑی میں عوام اور ترک حکومت کے لیے گہری تعزیت کا اظہار کرتے ہیں۔