بارش  اور سیلابی ریلوں سے مزید 27 افراد زندگی کی بازی ہارگئے

اسلام آباد:بارشوں اور سيلابی ریلوں سے مزید27 افراد زندگی کی بازی ہار گئے۔گزشتہ چوبيس گھنٹوں کے دوران پنجاب میں ایک، خیبر پختون میں4اور سندھ میں15افراد چل بسے۔ اب تک سندھ میں سب سے زیادہ 422 اموات ریکارڈ ہوئی ہیں۔

سیلاب کے باعث بلوچستان میں 253، خیبر پختون میں 264 اور پنجاب میں188 افراد زندگی کی بازی ہار گئے۔ سیلابی ریلوں اور بارشوں کے باعث حادثات میں جاں بحق ہونے والوں میں 522 مرد،246خواتین اور399 بچے شامل ہیں۔

رپورٹ کے مطابق گزشتہ چوبيس گھنٹوں کے دوران 87 افراد حاليہ بارشوں اور سيلاب سے زخمى ہوئے۔ملک بھر میں اب تک زخمى ہونے والے افراد کی کل تعداد 3ہزار641 ريکارڈ کى گئى ہے۔

رپورٹ کے مطابق بارشوں سے سب سے زیادہ پنجاب میں 2023 افراد زخمى ہوئے۔سندھ میں زخمى افراد کى تعداد 1101 تک جا پہنچى ہے۔بلوچستان میں حاليہ بارشوں سے زخمى افراد کى تعداد 164 ہے،خيبر پختونخوا میں 327 جبکہ آزاد کشمير میں 21 زخمى رپورٹ ہوئے۔