مشفق الرحیم کا ٹی 20 کرکٹ سے ریٹائرمنٹ کا اعلان

ڈھاکہ: بنگلہ دیش کرکٹ ٹیم کے اہم کھلاڑی مشفق الرحیم نے ٹی 20 کرکٹ سے ریٹائرمنٹ کا اعلان کر دیا۔

سماجی رابطے کی ویب سائٹ فیس بک پر اپنے آفیشل اکاؤنٹ پراہم اعلان کرتے ہوئے مشفق الرحیم نے کہا کہ السلام علیکم، امید ہے آپ خیریت سے ہوں گے۔میں اپنے طویل کیریئر کے دوران آپ سب کا ساتھ دینے کا شکرگزارہوں۔ آپ کی حمایت میرے نشیب وفراز میں میرے لئے ہمت تھی ۔

مشفق الرحیم نے مزید کہا کہ آج، میں ٹی  20 انٹرنیشنل سے ریٹائرمنٹ کا اعلان کر رہا ہوں ،  میں فخر کے ساتھ ٹیسٹ اور ون ڈے فارمیٹس میں بنگلہ دیش کی نمائندگی کرتا رہوں گا ،  مجھے امید ہے کہ میں ان دونوں فارمیٹس میں اپنی قوم کے لیے کامیابیاں لاؤں گا۔