پاکستان نے بدلہ لے لیا، بھارت کو 5 وکٹوں سے شکست

دبئی: ایشیا کپ میں روایتی حریفوں میں ایک بار پھر تگڑا مقابلہ ہوا ہے، پاکستان نے بدلہ لے لیا اور بھارت کو 5 وکٹوں سے شکست دے دی۔

پاکستان کے کپتان بابر اعظم نے ٹاس جیت کر بھارت کو پہلے کھیلنے کی دعوت دی تھی، بھارتی ٹیم کے 182 رنز کے ہدف کے تعاقب میں بابر اعظم اور محمد رضوان نے اننگز کا آغاز کیا۔

بھارت کیخلاف پاکستان کی پہلی وکٹ22رنز پر گرگئی اور بابر اعظم 14 رنز بنا کر کیچ آوٹ ہو گئے،ان کی جگہ فخر زمان آئے اور63 رنز پر وہ بھی 15 رنزبنا کرکیچ دے بیٹھے۔

محمد رضوان کا ساتھ دینے محمد نواز آئے اور انہوں نے جارحانہ اننگز کھیلی اور 20 گیندوں پر 42 رنز بنا کر آوٹ ہو گئے، محمد رضوان بھی 71 رنز بنا کر پانڈیا کی گیند پر کیچ آوٹ ہو گئے۔