آنجہانی ملکہ کے چاہنے والے میت کا دیدارکرسکیں گے

لندن: آنجہانی ملکہ ایلزیبتھ کے چاہنے والے ان کی میت کا دیدارکرسکیں گے۔

غیرملکی خبرایجنسی کےمطابق پیرکوایڈنبرا کے سینٹ جائلز کیتھرڈیل میں آنجہانی ملکہ ایلزیبتھ کے تابوت کا دیدار ہزاروں افراد کریں گے۔

بادشاہ چارلس پیرکی دوپہر ملکہ کی میت تابوت میں ہالی روڈ ہاؤس پیلس سے لے کر روانہ ہونگے۔ایڈنبرا آنے والے شہریوں اور سیاحوں کو شہری کونسل کی جانب سے بھی اہم ہدایات جاری کردی گئی ہیں۔

شہرآنے والوں کو کہا گیا ہے کہ ٹریول ایڈوائس پرنظررکھیں اوراس حوالے سے اپنا پروگرام تشکیل دیں۔موسم کی مناسبت سے کپڑے پہننے کو کہا گیا ہے۔ اپنے ساتھ پانی کی بوتلیں لانے اورکئی گھنٹوں تک قطاروں میں کھڑے رہنے کے لیے تیار رہیں۔