شیخ رشید نے پنجاب اورکے پی اسمبلیاں توڑنے کا عندیہ دیدیا

راولپنڈی:سابق وفاقی  وزیرداخلہ شیخ رشید نے تحریک انصاف کی جانب سے پنجاب اورکے پی کی صوبائی اسمبلیاں توڑنے کا عندیہ دیدیا۔

سماجی رابطے کی ویب سائٹ ٹویٹر پر اپنی ٹویٹ میں سابق وزیرداخلہ اور عوامی مسلم لیگ کے سربراہ شیخ رشید کا کہنا تھا کہ آج 70 وزرا 2 کے اضافے کے بعد 72 ہوگئے ہیں، لوگ سیلاب اور ڈینگی سے مر رہے ہیں، اور یہ امریکا کے مہنگے ترین ہوٹلوں میں قیام کررہے ہیں۔

شیخ رشید کہنا تھا کہ رات 2 بجے پیٹرول پر شب خون مارا گیا اور 1.50 روپے اضافہ کر دیا، ہر روز روپے کی قدر میں کمی، اجناس، پیٹرول اور بجلی کی قیمتوں میں اضافہ ہو رہا ہے، طاقتور بے قصور اور غریب قصوروار ٹھہرے ہیں، ہائی کورٹ نے پینا ڈول دلائی ہے اب آٹا بھی دلائے۔

رات 2 بجے پیٹرول پر شب خون مار کے 1.50 روپے اضافہ کر دیا ہے۔ ہر روز روپے کی قدر میں کمی،اجناس، پیٹرول اور بجلی میں اضافہ ہو رہا ہے۔طاقتور بےقصور اور غریب قصوروار ٹھہرے ہیں۔ الیکشن کی طرف جانا ہے یا بند گلی میں،اسکا فیصلہ ہونے والا ہے۔ ہائیکورٹ نے پیناڈول دلائی،اب آٹا بھی دلائے

— Sheikh Rashid Ahmed (@ShkhRasheed) September 21, 2022

سابق وفاقی وزیر نے کہا کہ ایک تقرری سب پر بھاری ہوگئی ہے، اس کا فیصلہ ہونے والا ہے، کہ الیکشن کی طرف جانا ہے یا بند گلی میں، ابھی عمران خان کی کال نہیں آئی، سینکڑوں کینٹینرز اسلام آباد آگئے ہیں۔

شیخ رشید کا کہنا تھا کہ وفاقی کی جانب سے اسلام آباد میں 30 ہزار کی نفری منگوائی گئی ہے، رنجیت سنگھ کی سوچ اسلام آباد کو پانی پت کا میدان بناناچاہتی ہے، 27 کلومیٹر کی حکومت اپنے گرد خود سارے صوبوں کا حصار بنوانے کی ذمے دار ہے۔