پاک فوج کا ہیلی کاپٹرہرنائی میں  گرکر تباہ،2 پائلٹس سمیت 6 جوان شہید

برنائی :(اپ ڈیٹ نیوز) پاک فوج کا ہیلی کاپٹر بلوچستان میں گر کر تباہ ہوگیا ، جس کے نتیجے میں دونوں پائلٹس سمیت 6اہلکار شہید ہوگئے۔تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ پاک فوج کا ہیلی کاپٹر بلوچستان کے ضلع ہرنائی میں گر کر تباہ ہوگیا۔

آئی ایس پی آر کا کہنا تھا کہ ہیلی کاپٹر حادثے کے نتیجے میں دونوں پائلٹس سمیت 6اہلکار شہید ہوگئے۔

ترجمان نے بتایا کہ شہدا میں میجرمحمدمنیب افضل اورمیجرخرم شہزاد ، نائیک جلیل، صوبیدارعبدالوحید، سپاہی محمدعمران اور سپاہی شعیب شامل ہیں۔