جڑواں شہروں میں تیز آندھی کے ساتھ طوفانی بارش

راولپنڈی اسلام آباد میں ہفتے کی شب تیز آندھی کے ساتھ اچانک زوردار بارش  نے موسم قدرے سرد کر دیا۔ بارش شروع ہوتے ہی بجلی بند ہو گئی تاہم نصف گھنٹے بعد بجلی کی مرحلہ وار بحالی شروع ہو گئی۔

بعض علاقوں میں ژالہ باری بھی ہوئی جبکہ گرج چمک کے ساتھ بارش کا سلسلہ رات گئے تک جاری رہا۔خیال ظاہر کیا جا رہا ہے کہ اکتوبر کے ابتدائی دنوں میں شرعو ہونے والی یہ بارش موسم میں تبدیلی کا پیغام لائے گی۔

ادھر ملکہ کوہسار مری میں ہفتے کی شام سے ہلکی بارش کا سلسلہ شروع ہو گیا تھا جو رات گئے تک جاری رہا۔ بارش کے ساتھ ہی مری ، گلیات اور گردونواح میں موسم سرد ہو گیا۔