صدر آزاد کشمیر اور امریکہ میں پاکستانی سفیر کی ملاقات

صدر آزاد جموں وکشمیر بیرسٹر سلطان محمود چوہدری اور آزاد جموں و کشمیر کے سابق صدر و امریکہ میں پاکستان کے سفیر سردار مسعود خان کی اقوام متحدہ میں اہم اور تفصیلی ملاقات ہوئی ہے۔ اس موقع پر مسئلہ کشمیر کو آگے بڑھانے کے لیے بات چیت کی گئی اور مسئلہ کشمیر کو عالمی فورمز پر بالخصوص اقوام متحدہ میں موثر انداز میں اجاگر کرنے پر تبادلہ خیال کیاگیا ۔

 صدر آزاد جموں وکشمیر  اور پاکستان کے سفیر نے اسلامی رابطہ تعاون تنظیم (او آئی سی) کی طرف سے مسئلہ کشمیر اور بھارت کی جانب سے مقبوضہ کشمیر میں جاری مظالم پر مشترکہ اعلامیہ جاری کرنے پر اطمینان کا اظہار کیا اور اس بات کا اعادہ کیا گیا کہ انٹرنیشنل فورمز پر مسئلہ کشمیر کے حل اور مقبوضہ کشمیر میں جاری انسانی حقوق کی پامالیوں کے خلاف آواز بلند کرنے کے لیے کوششیں تیز طر کی جائیں گی۔

صدر آزاد جموں وکشمیر بیرسٹر سلطان محمود چوہدری اور آزاد جموں و کشمیر کے سابق صدر و امریکہ میں پاکستان کے سفیر سردار مسعود خان کے درمیان باہمی دلچسپی سمیت دیگر امور پر بھی تبادلہ خیال کیا گیا۔