لاطینی امریکی ملک ایکواڈور کی جیل میں دنگے بھڑک اٹھے، 15 ہلاک، 20 زخمی

کویٹو(امت نیوز) لاطینی امریکی ملک ایکواڈور میں لاتاجنگا نامی جیل میں ہونے والی جھڑپ میں 15 افراد ہلاک اور 20 زخمی ہو گئے۔
دارالحکومت کویٹو میں واقع اس جیل میں قیدیوں نے ایک دوسرے پر اسلحے اور چاقوؤں سے حملہ کر دیا۔
جیل کی انتظامیہ کے مطابق جھڑپوں میں15 افراد ہلاک اور 20 زخمی ہو گئے۔
جھڑپوں کا فائدہ اٹھاتے ہوئے بعض قیدیوں نے فرار ہونے کی بھی کوشش کی مگر انہیں سیکورٹی اہلکاروں نے گرفتار کرلیا۔
واضح رہے کہ گزشتہ سال ایکواڈور کی جیلوں میں پرتشدد واقعات میں 316 جبکہ اس سال 90 افراد ہلاک ہو چکے ہیں۔
ایکواڈور کی جیلوں میں اس قسم کے واقعات قیدیوں سے متعلق جامع پالیسیوں کے فقدان اور حکام کی عدم دلچسپی کی وجہ سے پیش آتے ہیں۔