مریم نواز کی لندن آمد، نواز شریف کی رہائش گاہ ایون فیلڈ پہنچ گئیں

لندن( اُمت نیوز)مریم نواز والد نواز شریف کی رہائش گاہ ایون فیلڈ پہنچ گئیں ہیں۔
میڈیا رپورٹ کےمطابق ایون فیلڈ اپارٹمنٹس کے باہر لیگی کارکنوں نے مریم نواز کا والہانہ استقبال کیا ہے۔
اس موقع پر مریم نواز نے کہا کہ آپ سب کا شکریہ میرے استقبال کے لیے آئے۔.

واضح رہے کہ مریم نواز پاسپورٹ واپس ملنے کے بعد بدھ کو لندن کے لیے روانہ ہوئی تھیں۔

مسلم لیگ ن کی نائب صدر نے لندن روانگی کے لیے لاہور ائیرپورٹ پہنچنے سے قبل دادا، دادی اور والدہ کی قبروں پر فاتحہ خوانی بھی کی تھی۔

 

خاندانی ذرائع کا کہنا ہے کہ مریم نواز تقریباً ایک ماہ لندن میں قیام کریں گی جس کے بعد ان کا اپنے والد نواز شریف کے ہمراہ وطن واپس آنے کا امکان ہے۔