نائیجیریا میں بدترین سیلاب، 24 افراد ہلاک

ابوجا(امت نیوز) نائیجیریا کی کٹسینا ریاست میں شدید بارشوں کے باعث آنے والے سیلاب میں 24 افراد جان کی بازی ہار گئے۔
ریاستی ایمرجنسی مینجمنٹ ایجنسی (SEMA) کے ترجمان نے بتایا کہ سیلاب سے 16,625 مکانات کو نقصان پہنچا، کھڑی فصلیں تباہ ہوگئیں، سرکاری اعداد وشمار کے مطابق 1620 سے زائد کھیت سیلاب میں بہہ گئے۔
ترجمان کے مطابق ریاستی حکومت جلد ہی سیلاب متاثرین میں امداد کی تقسیم شروع کردے گی۔