شاہین آفریدی دوبارہ قومی اسکواڈ جوائن کرنے کیلئے پُرجوش

اسلام آباد( اُمت نیوز)پاکستانی ٹیم کے فاسٹ بولر شاہین شاہ آفریدی نے کہا ہے کہ وہ دوبارہ قومی اسکواڈ جوائن کرنے کے لیے پُرجوش ہیں۔
شاہین شاہ آفریدی نے بتایا کہ 10 روز سے بغیر درد کے تیز رفتاری سے 6 سے 8 اوورز کروا رہا ہوں۔
انہوں نے یہ بھی کہا کہ ری ہیب کا یہ پروگرام بہت سخت اور مشکل تھا۔
پاکستان کرکٹ بورڈ (پی سی بی) کا کہنا تھا کہ شاہین شاہ آفریدی 15 اکتوبر کو برسبین میں پاکستان ٹیم جوائن کرلیں گے۔
کرکٹ بورڈ کے مطابق شاہین آفریدی ورلڈ کپ سے قبل وارم اپ میچز میں ٹیم سلیکشن کے لیے بھی دستیاب ہوں گے۔
بیٹر فخر زمان بھی شاہین شاہ آفریدی کے ہمراہ لندن سے برسبین پہنچیں گے، فخر زمان آسٹریلیا میں اپنا ری ہیب مکمل کریں گے۔