نشتر اسپتال لاشیں اسٹوڈنٹس کے سیکھنے کیلئے رکھتا ہے،فیصل ایدھی

لاہور( اُمت نیوز)ملتان نشتر اسپتال میں چھت پر لاشیں ملنے کا معاملہ سامنے آنے کے بعد معروف سماجی رہنما فیصل ایدھی نے لاوارث لاشیں وصول کرنے کا طریقہ کار بتا دیا ہے۔
پولیس کا سرد خانے میں لاش رکھوانے کے بعد کوئی عمل دخل باقی نہیں رہتا، سی پی او
نجی ٹی وی سے گفتگو کرتے ہوئے معروف سماجی کارکن فیصل ایدھی کا کہنا ہے کہ نشتر اسپتال نہیں پولیس ہمیں لاوارث لاش دیتی ہے، پولیس لکھ کردیتی ہے کہ لاش رکھیں یا امانتاً تدفین کردیں۔

فیصل ایدھی نے کہا کہ لاوارث لاش کی تصاویر بناکر رکھتے ہیں، شناخت ہونے پر پولیس کی اجازت سے لاش دیتے ہیں، 11 ماہ میں 155 لاشیں دفنائی ہیں۔

سماجی رہنما نے کہا کہ ہم نے نشتر اسپتال کو لاشوں کی تدفین سے منع نہیں کیا، آج بھی نشتر اسپتال میں لاشوں کی تدفین کیلئے رابطہ کیا تھا۔

فیصل ایدھی نے کہا کہ نشتر اسپتال لاشیں اسٹوڈنٹس کے سیکھنے کیلئے رکھتا ہے۔