NA157 ملتان: پولنگ اسٹیشن کے باہر فائرنگ سے4 افراد زخمی

ملتان(اُمت نیوز)این اے157 ملتان میں فاطمہ جناح کالونی میں قائم پولنگ اسٹیشن کے باہر 2 گروپوں میں فائرنگ سے 4 افراد زخمی ہوگئے ہیں۔
پولیس کے مطابق فائرنگ سے زخمی ہونے والے 4 افراد کو نشتر اسپتال منتقل کیا گیا ہے جب کہ 2 افراد کو گرفتار کرلیا گیا، واقعے کی تحقیقات جاری ہیں۔
خیال رہےکہ این اے 157 ملتان کے ضمنی الیکشن میں پاکستان پیپلز پارٹی کے سید علی موسیٰ گیلانی اور پاکستان تحریک انصاف کی مہر بانو قریشی کے درمیان سخت مقابلہ ہے۔

پیپلزپارٹی کے علی موسیٰ گیلانی نے پی ٹی آئی کی مہربانو قریشی پر 19 ہزار 750 ووٹوں کی برتری حاصل کی۔
خیال رہے کہ یہ نشست شاہ محمود قریشی کے بیٹے زین قریشی نے خالی کی تھی۔