گوادر،مچھلی شکار کیلئےآئے5 افراد تودے تلے دب گئے

گوادر (اُمت نیوز)گوادر کے علاقے جیوانی میں ساحل کے قریب پہاڑی تودہ گرنے سے بچہ جاں بحق ہوگیا جبکہ 4 افراد اُس کے تلے دب گئے ہیں
پولیس کے مطابق واقعہ پہاڑی علاقے دران پکنک پوائنٹ پر پیش آیا جہاں مچھلی کے شکار کے لئے آئے افراد پر پہاڑی تودہ آگرا ہے۔
ڈی سی گوادر کے مطابق ملبے تلے دب کر ایک بچہ جاں بحق ہو گیا ، پہاڑی تودے کے نیچے دبے ہوئے 4 افراد کو نکالنے کے لیے پاک بحریہ کا سرچ اینڈ ریسکیو آپریشن جاری ہے۔
ترجمان پاک بحریہ کا کہنا ہے کہ تودے تلے دبے تمام افراد کو نکالنے تک آپریشن جاری رہے گا۔
انتظامیہ کے مطابق سمندری لہروں اور پہاڑ کے سبب ریسکیو کے کاموں میں مشکلات کا سامنا ہے۔