انڈر 16 کیٹگری ،ایشیا کے نمبر ون ٹینس پلیئر کا اعزازحیدر علی کے نام

لاہور(اُمت نیوز)پاکستان کے حیدر علی رضوان انڈر 16 کیٹگری میں ایشیا کے نمبر ون ٹینس پلیئر بن گئے ہیں۔
ایشین ٹینس فیڈریشن کی تازہ رینکنگ کے مطابق حیدر علی رضوان انڈر 16 کیٹگری میں نمبر ون پوزیشن پر آگئے ہیں۔
اے ٹی ایف جونیئر ٹینس ٹور رینکنگ میں پہلی پوزیشن حاصل کرنے والے حیدر علی رضوان پہلے پاکستانی ہیں۔
لاہور سے تعلق رکھنے والے حیدر علی رضوان نے 965 پوائنٹس کے ساتھ پہلی پوزیشن حاصل کی جب کہ پاکستان کے عاصم بلال رینکنگ میں 9 ویں نمبر پر ہیں۔
حیدر علی رضوان نے جولائی میں تاجکستان میں دو گولڈ اور ایک برانز میڈل جیتا اور ازبکستان کے ایشین ایونٹ میں دو سلور میڈلز جیتے، انہوں نے گزشتہ ہفتے لاہور میں اے ٹی ایف انڈر 16 ایونٹ میں بھی گولڈ میڈل جیتا تھا۔