شاہ چارلس نے رشی سونک کو وزیراعظم مقرر کر دیا

لندن: برطانیہ کے بادشاہ شاہ چارلس سوم نے رشی سونک کو ملک کا نیا وزیراعظم مقررکردیا۔

نجی ٹی وی کے مطابق بکنگھم پیلس کی جانب سے تصدیق کی گئی ہے کہ شاہ چارلس سوم نے رشی سونک کو برطانیہ کا نیا وزیراعظم مقررکردیا ہے۔

وزیراعظم مقررکیے جانے کے بعد ٹین ڈاؤننگ اسٹریٹ پراپنے پہلے خطاب میں رشی سونک نے سابقہ وزیراعظم لزٹرس کو خراج تحسین پیش کیا۔

انہوں نے کہا کہ برطانیہ کواس وقت بڑے معاشی بحران کا سامنا ہے جس وجہ سے انہیں وزیراعظم کے دفترکیلیے چنا گیا ہے تاکہ وہ سابقہ حکومت کی غلطیوں کو سدھار سکیں۔نومنتخب وزیراعظم کا کہنا تھا کہ لز ٹرس نے تبدیلی کیلیے انتھک محنت کی لیکن ان سے کچھ غلطیاں ہوئیں۔

رشی سونک نے کہا کہ وہ بورس جانسن کے بطور وزیراعظم لیے گئے زبردست اقدامات پرہمیشہ ان کے شکر گزار رہیں گے۔