نیوزی لینڈ اور افغانستان کا میچ بارش کی نذر

میلبرن: نیوزی لینڈ اورافغانستان کے مابین کھیلا جانے والا ٹی20 ورلڈکپ میں سپر 12 مرحلے کا اہم میچ بارش کی نذر ہوگیا۔

میلبرن کرکٹ گراؤنڈ میں بارش کے باعث میچ کا ٹاس بھی نہیں ہوسکا  تھا جبکہ مسلسل بارش کی باعث امپائرز نے میچ ختم کرنے کا اعلان کیا۔

نیوزی لینڈ اورافغانستان کے مابین میچ نہ ہونے کے باعث دونون ٹیموں کوایک ایک پوائٹ دیدیا گیا ہے، جس کے ساتھ گروپ اے کی صورتحال دلچسپ ہوگئی ہے۔گروپ اے میں نیوزی لینڈ 3 پوائنٹس کے ساتھ پہلی پوزیشن پر آگیا۔

سری لنکا، انگلینڈ، آئرلینڈ اورآسٹریلیا 2،2 پوائںٹس کے ساتھ دوسرے، تیسرے، چوتھے اور پانچویں نمبرپرموجود ہیں جبکہ افغانستان ایک پوائنٹ کے ساتھ چھٹی پوزیشن پر قابض ہے۔قبل ازیں آئرلینڈ نے انگلینڈ کو ڈک ورتھ لوئس سسٹم کے تحت 5 رنزسے شکست دی تھی۔