پلوامہ حملے پرسوشل میڈیا تبصرہ،مسلم طالبعلم کو 5سال قید کی سزا

نئی دیلی: بھارتی میڈیا کے مطابق بنگلورو کی خصوصی عدالت نے انجینئرنگ کے 22 سالہ مسلمان طالب علم فیض رشید کو 5 سال قید اور25 ہزار روپے جرمانے کی سزا سنا دی۔

پلواما واقعہ کے وقت فیض رشید کی عمر 19 سال تھی اور انہوں نے فیس بک پرپلواما واقعہ سے متعلق پوسٹ شئیر کی تھی۔ پولیس نے پوسٹ کے فوری بعد فیض رشید کو گرفتار کرلیا تھا اور وہ ساڑھے تین سال سے جیل میں ہیں۔

بھارت کی جانبدار عدالت نے فیض رشید پر 2019 میں ہونے والے پلواما واقعہ پرخوشیاں منانے اور خوشی کے اظہار میں سوشل میڈیا پر 24پوسٹس شئیر کرنے کا الزام عائد کیا۔