ملا عمر کی تدفین کہاں ہوئی؟ 9 سال بعدطالبان نے بتادیا

اسلام آباد(اُمت نیوز)غیر ملکی میڈیا رپورٹس کے مطابق 2013 میں وفات پانے والے ملا محمد عمر کی قبر افغان صوبے زابل کے ضلع سیوری میں ہے۔
طالبان ترجمان ذبیح اللہ مجاہد نے ملا محمد عمر کی آخری آرام گاہ کی تصاویر سوشل میڈیا پر شیئر کیں، تصاویر میں قبر پر فاتحہ خوانی کرتے طالبان وزیراعظم ملا حسن اخوند اور افغان کابینہ کے دیگر ارکان بھی موجود ہیں۔
غیر ملکی خبر ایجنسی سے بات کرتے ہوئے ذبیح اللہ مجاہد کا کہنا تھا کہ ملک پر قبضے اور دشمنوں کی جانب سے قبر کو نقصان پہنچانے کے خدشے پر قبر کا مقام خفیہ رکھا گیا تھا۔ تاہم اب ایسا کوئی خطرہ نہیں ہیں، لوگ ملا محمد عمر کی قبر کی زیارت کر سکتے ہیں۔
واضح رہے کہ طالبان کے امیر ملا محمد عمر کی وفات 2013 میں ہوئی تھی۔