سیمی فائنل میں جیت پر پاکستانی شائقین کا ہوٹل کے باہر جشن

سڈنی(اُمت نیوز)سڈنی میں نیوزی لینڈ کے خلاف سیمی فائنل میں پاکستان کی جیت کا جشن منانے مداح ہوٹل پہنچ گئے۔
پاکستانی مداحوں نے ہوٹل کے باہر پاکستان زندہ باد کے نعرے لگائے، اس کے علاوہ سڈنی کی سڑکوں پر بھی پاکستانی مداحوں نےگاڑیوں میں بلندآواز میں پاکستانی نغمے لگا کر جشن منایا۔
تاہم دوسری جانب جیت کے باوجود قومی ٹیم مرکزی دروازے سے ہوٹل نہ آئی اور قومی ٹیم کے کھلاڑی بیسمنٹ کے راستے ہوٹل واپس پہنچے جس سے قومی ٹیم سے ملنے کے خواہش مند مداحوں کو مایوسی کا سامنا کرنا پڑا۔