ٹی ٹوئنٹی ورلڈ کپ:انگلینڈ کا ٹاس جیت کر بائولنگ کا فیصلہ

میلبرن :میلبرن: آئی سی سی ٹی 20 ورلڈکپ کے فائنل میں انگلینڈ نے ٹاس جیت کر پہلے فیلڈنگ کا فیصلہ کیا ہے۔ ٹی 20 ورلڈ کپ کا فائنل آسٹریلیا کے شہر میلبرن کرکٹ گراؤنڈ میں کھیلا جارہا ہے جہاں انگلینڈ کے کپتان جوز بٹلر نے پاکستان کو پہلے بیٹنگ کی دعوت دی۔

آئی سی سی ٹی 20 ورلڈ کپ کے فائنل میں قومی کرکٹ ٹیم میں کوئی تبدیلی نہیں کی گئی، ٹیم کی قیادت بابر اعظم کررہے ہیں، نائب کپتان شاداب خان بھی پلیئنگ الیون میں شامل ہیں۔

انگلینڈ کے اسکواڈ میں کپتان جوز بٹلر ، موئن علی، ہری بروک ، سیم کیورن ، ایلیکس ہیلز ، کرس جورڈن ، لیام لیونگ سٹون ، ڈیوڈ ملان ، ٹیمال ملز، عادل رشید ، فل سالٹ ، بین سٹوکس، ڈیوڈ ویلے ، کرس ووکس اور مارک ووڈ شامل ہیں ۔