آئرلینڈ ویمن ٹیم نےپاکستان کیخلاف ٹی 20سیریزجیت لی

لاہور:آئرلینڈ ویمن ٹیم نے تیسرے اور فیصلہ کُن ٹی ٹوئنٹی میچ میں پاکستان کو شکست دے کر سیریز دو ایک سے جیت لی۔

آئرلینڈ کی جانب سے دیے گئے 168 رنز کے ہدف کے جواب میں پاکستان ویمن ٹیم 18.5 اوورز میں 133 رن بنا کر آؤٹ ہوگئی۔

ہدف کا تعاقب کرتے ہوئے پاکستان کی جویریہ خان نے 36 گیندوں پر 7 چوکوں کی مدد سے نصف سنچری بنائی جو ان کی ٹی ٹوئنٹی انٹرنیشنل کیریر کی 10ویں نصف سنچری تھی۔

اس سے قبل لاہور کے قذافی اسٹیڈیم میں آئرلینڈ نے پہلے بیٹنگ کرتے ہوئے 3 وکٹوں پر 167رنز بنائے۔ ایمی ہنٹر40 اور گیبی لوئس 71 رنز بنا کر نمایاں رہیں۔ گیبی لوئس کو میچ کا بہترین کھلاڑی قرار دیا گیا۔

واضح رہے کہ اس سے قبل تین ون ڈے میچز کی سیریز میں پاکستان ویمن ٹیم نے آئرلینڈ کو کلین سوئپ شکست دی تھی۔