پہلا ٹی ٹوئنٹی۔ پاکستان کو بنگلا دیش کے ہاتھوں 5وکٹ سے شکست

ملتان :بنگلادیش انڈر-19 نے پہلے ٹی ٹوئنٹی میچ میں پاکستان کو 5 وکٹ سے شکست دے کر دو میچوں کی سیریز میں برتری حاصل کرلی۔

پاکستان کی جانب سے 144 رنزکا ہدف بنگلادیش نے آخری اوورمیں 5 وکٹ پرحاصل کیا۔ شہاب جیمز نے 41 رنزکی ناقابل شکست اننگز کھیلی۔

بنگلادیش کے کھلاڑی محفوظ الرحمٰن 38 اور ذیشان عالم نے 24 رنز بنائے۔پاکستان کی جانب سے محمد ذیشان نے 2 اور عرفات منہاس نے1 کھلاڑی کو آؤٹ کیا۔

پاکستان انڈر 19 نے پہلے بیٹنگ کرتے ہوئے مقررہ اوورز میں 8 وکٹ پر 143 رنز بنائے تھے۔میچ میں شائقین کرکٹ کے لیے اسٹیڈیم میں داخلہ مفت تھا۔

واضع رہےاس سے قبل بنگلادیش انڈر-19 نے پاکستان انڈر-19 کو تیسرے اور آخری ون ڈے میچ میں سنسنی خیز مقابلے کے بعد 4 وکٹوں سے شکست دے کر تین میچوں کی سیریز 1-2 سے اپنے نام کی تھی۔