ایران نے اضافی وقت میں پہلی کامیابی سمیٹ لی

دوحا: فیفا ورلڈکپ کے گروپ بی کے میچ میں ایران نے ویلزکو دلچسپ مقابلے کے بعد 0-2 گول سے شکست دیدی۔

احمد بن علی اسٹیڈیم میں کھیلے گئے میچ میں ایران اورویلزکی ٹیموں نے دونوں ہاف میں جارحانہ کھیل کا مظاہرہ کیا، مقررہ وقت کے بعد اضافی وقت میں ایران کی ٹیم نے دو گول داغ دیے۔

ایران کی جانب سے 98 ویں منٹ میں روزبا چشمی اور 101 منٹ میں رامن رضائن نے گول اسکور کیے، ایونٹ میں ویلز کے خلاف کامیابی کے ساتھ ہی ایران نے فیفا ورلڈکپ 2022 میں پہلی کامیابی سمیٹ لی ہے۔

قبل ازیں ایران کو انگلینڈ کے ہاتھوں 2 کے مقابلے میں 6 گول سے شکست ہوئی تھی جبکہ اس میچ میں ایرانی گول کیپر زخمی ہوگئے تھے۔دوسری جانب ویلز اور امریکہ کا میچ ایک ایک گول سے برابر رہا تھا۔