نمازاستسقا کا اثر،سعودی عرب میں موسلا دھار بارش

ریاض: نماز استسقا کا اثر رنگ لے آیا، اللہ نے نمازیوں کی سن لی ،سعودی عرب میں موسلا دھارہونے والی بارشوں نے سیلابی کیفیت اختیارکرلی جس کے نتیجے میں 2 افراد جاں بحق ہوگئے، پروازوں کو معطل ،اسکول بند کردیے گئے۔

عالمی خبر رساں ادارے کے مطابق سعودی عرب کے مغربی علاقے میں گزشتہ روز سے شروع ہونے والا موسلا دھار بارش کا سلسلہ اب بھی کہیں کہیں جاری ہے۔ بارشوں کے باعث نشیبی علاقے تالاب کا منظر پیش کرنے لگے۔

بارش کا پانی سیلابی ریلے کی طرح درجنوں کاروں کو اپنے ہمراہ بہا کر لے گیا۔ سڑکوں پر پانی کے تیز بہاؤ کے باعث جدہ سے مکہ جانے والی شاہراہ کو بند کردیا گیا جب کہ ایئرپورٹ پر پانی بھر جانے کے باعث فلائٹس معطل کردی گئیں۔بارشوں سے معاملات زندگی بھی تباہ ہوگئے اوراسکولوں کو بند کردیا گیا۔