مراکش کینیڈا کو ہرا کر راؤنڈ آف 16 میں پہنچ گیا

قطر(اُمت نیوز) فیفا ورلڈکپ 2022 میں مراکش نے اپنا عمدہ کھیل جاری رکھتے ہوئے اس مرتبہ کینیڈا کو بھی ہرادیا اور راؤنڈ آف 16 میں پہنچ گیا ہے
قطر کے الثمامہ اسٹیڈیم میں کھیلے گئے میچ میں مراکش کو جیت درکار تھی جو اس نے 1-2 کے مارجن سے حاصل کرلی
افریقی ٹیم نے میچ کے چوتھے منٹ میں ہی حکیم زیاش کے گول کی بدولت 0-1 کی برتری حاصل کرلی ،مراکش نے 23ویں منٹ میں دوسرا گول بھی داغ دیا اور برتری 0-2 کرلی، اس مرتبہ يوسف النصيری نے گیند کو جال کی راہ دکھائی۔
میچ کے 40ویں منٹ میں نائف آكرد سے اپنے ہی گول میں گیند چلی گئی جس کے باعث میچ کا اسکور 1-2 ہوگیا۔
نہ صرف پہلا ہاف اسی اسکور پر ختم ہوا بلکہ دوسرے ہاف میں بھی کوئی ٹیم گول نہ بناسکی اور میچ 1-2 سے مراکش نےاپنے نام کرلیا۔