سینئر سیاستدان بیگم نجمہ حمید انتقال کر گئیں

وفاقی وزیر اطلاعات مریم اورنگزیب کی خالہ اور مسلم لیگ (ن) کی سینئر رہنما طاہرہ اورنگزیب کی بہن بیگم نجمہ حمید راولپنڈی میں انتقال کر گئیں۔

بیگم نجمہ حمید پاکستان مسلم لیگ (ن) کی سینئر رکن تھیں اور نواز لیگ کی امیدوار کی حیثیت سے دو مرتبہ سینیٹر منتخب ہوچکی تھیں۔ وہ طویل عرصے سے علیل تھیں ، ان کا انتقال جمعہ کے روز راولپنڈی کے اسپتال میں ہوا۔

تجربہ کار خاتوں پارلیمنٹیرین کے طور پر انہیں قدر کی نگاہ سے دیکھا جاتا تھا۔