آل پاکستان سی این ایس اسکواش چیمپئن شپ کراچی میں شروع

کراچی (اُمت نیوز)آل پاکستان سی این ایس اسکواش چیمپئن شپ کراچی میں شروع ہوگئی۔ کمانڈر کراچی ریئر ایڈمرل میاں زاکر اللّٰہ جان نے چمپئن شپ کا افتتاح کیا۔
کراچی کے روشن خان جہانگیر خان اسکواش کمپلیکس میں کھیلے جارہے ایونٹ میں ملک بھر کے 32 بہترین پلیئرز ایکشن میں ہیں۔
ایونٹ کی انعامی رقم 15 لاکھ روپے رکھی گئی ہے، خواتین پلیئرز کا کہنا تھا کہ کافی عرصے سے اسکواش کے ایک بڑے ایونٹ کا انتظار تھا۔
دوسری جانب اسکواش لیجنڈ جہانگیر خان نے کہا کہ چیمپئن شپ کا انعقاد بہترین اقدام ہے، جس سے پلیئرز کو فائدہ ہوگا۔
چیمپئپن شپ میں فاتح کھلاڑی کو 10 لاکھ جبکہ خواتین ونر کو 5 لاکھ کی انعامی رقم کے ساتھ ٹرافی ملے گی۔